Ərəb əlifbasında əlif və ğeyn (”qayın” bu sözün təhrif olunmuş şəklidir) hərflərinin adı.
Əbcəd hesabına görə, əlif bir, ğeyn min ədədinə uyğun gəlir. Allahın min bir adına işarədir.
Valeh deyər: bir əliflə bir qayın,
Necə elər, mənasını siz deyin,
Necə addır, bəyanını söyləyin,
O nədi ki, demək olmaz ikidi?..
Valeh əbcəd hesabını yad elər,
Belə mənaları tez savad elər,
Bir əlif, bir qayın min bir ad elər,
Ancaq ona demək olmaz ikidi.
(“Valeh və Zərnigar”)